Það er mikið um að vera í tónlistarskólanum. Undirbúningur er í fullum gangi fyrir jólatónleika skólans sem haldnir verða á sal Sandgerðisskóla 5. & 6. desember.

Skólinn er nú búinn að eignast glænýjan Kawai GL 30 flygil sem gjörbreytir kennsluaðstöðu til hins betra. Þetta eru tímamót hjá Tónlistarskóla Sandgerðis sem fagnar 45 ára afmæli á næsta ári, 2026.

“Stúdíó Sándgerði” er nýtt færanlegt hljóðver sem skólinn er búinn að koma sér upp og hægt er að taka upp tónlist og hljóðvinna innan skólans. Nemendur geta nú fræðst um helstu hljóðupptökutækni og tekið upp tónlist og fullunnið með kennara.

Í vikunni eftir jólatónleika fara nemendur og kennarar að heimsækja stofnanir og leika fyrir gesti.

Kennarar munu leika á litlu jólum Sandgerðisskóla 19. desember þar sem dansað verður í kringum jólatré.

Á næsta ári, í febrúar 2026 munu kennarar skólans fara í námsferð til Edinborgar og heimsækja tvo tónlistarskóla, St. Mary´s School of Music og Edinburgh Music School.

Einnig munu kennarar sækja námskeið í líkamsbeitingu hjá sjúkraþjálfara sem sérhæfir sig í tónlistarsfólki og einnig skyndihjálparnámskeið.