Fréttir

Vel var mætt á frábæran masterklass og fyrirlestur Benedikts Brynleifssonar trommuleikara. Benedikt lék og spjallaði við gesti um feril sinn og vinnu sem trommuleikara.

Trommuleikarinn landsfrægi Benedikt Brynleifsson verður með masterclass/sýnikennslu í boði tónlistarskólanna í Suðurnesjabæ, fimmtudaginn 21. mars kl.17:30. Aðgangur er ókeypis á meðan húsrúm leyfir. Viðburðurinn fer fram í Sæborg, sal tónlistarskólans í Garði, Garðbraut 69a. Benedikt er eftirsóttur trommuleikari á Íslandi og hefur m.a. leikið með Mannakornum, Todmobile, Páli Óskari, Friðrik Ómari, KK, 200.000 Naglbítum og [...]

Nemendatónleikar/Kaffihúsakvöld verður haldið á bókasafni Sandgerðis fimmtudaginn 14.mars kl.17:30. Nemendur og samspilssveitir skólans munu leika á bókasafninu fyrir gesti og gangandi. Rjúkandi heitt kaffi verður á könnunni sem og meðlæti. Allir hjartanlega velkomnir!

Á öskudag, miðvikudaginn 6.mars er starfsdagur kennara og því engin kennsla í tónlistarskólanum.   Ljósmynd fengin að láni frá Iceland Magasine/ljósmynd: Valli

Við erum glöð og stolt að segja frá því að tveir nemendur Tónlistarskóla Sandgerðis, þeir Júlíus Viggó Ólafsson og Haukur Arnórsson sigruðu undankeppni Hljóðnemans sem fram fór í Fjölbrautarskóla Suðurnesja fimmtudaginn 7. febrúar. Innilega til hamingju drengir! (Ljósmyndir fengar að láni af facebook síðu Nemendafélags Fjölbrautarskóla Suðurnesja)

Örtónfundur/nemendatónleikar verða á mánudaginn 21.janúar kl.17:00 í stofu 4 í tónlistarskólanum. Stuttir tónleikar, ca. 20 mín Allir hjartanlega velkomnir!

Síðasti kennsludagur fyrir jólafrí er fimmtudagurinn 20.desember.  Kennsla hefst að jólafríi loknu föstudaginn 4.janúar samkvæmt stundaskrá. Tónlistarskólinn óskar nemendum og bæjarbúum öllum gleðilegrar hátíðar! (Ljósmynd fengin góðfúslega að láni af veraldarvefnum. Ljósmyndari ókunnur. Ábendingar vel þegnar)

Að þessu sinni voru jólatónleikarnir haldnir á sal grunnskóla Sandgerðis í stað safnaðarheimilisins. Tónleikarnir voru vel sóttir og heppnuðust einstaklega vel. Nemendur stóðu sig af stakri prýði og voru kennurum sínum og sjálfum sér til mikils sóma. Mikil ánægja var meðal gesta, nemenda og kennara með þetta nýja tónleikafyrirkomulag og verður þetta trúlega endurtekið á [...]

Jólatónleikar tónlistarskólans verða haldnir laugardaginn 8.desember kl. 10:30. Að þessu sinni verður sú nýbreytni að tónleikarnir verða haldnir í sal grunnskólans.  Tónleikarnir taka u.þ.b. 1 klst. Mikið verður um samleik og hljómsveitaratriði og lofa nemendur og kennarar skólans hinum skemmtilegustu tónleikum. Allir hjartanlega velkomnir!