Vortónleikar & skólaslit verða laugardaginn 25.maí kl.10:30 í sal Sandgerðisskóla. Undirbúningur er hafinn og eru samspilssæfingar á fullu þessa dagana. Síðustu vikurnar erum við með nánast allan fókus á samspilum og að hafa gaman í skólanum og lofum við sérstaklega glæsilegum vortónleikum!
Páskafrí verður í tónlistarskólanum 15. - 22. apríl. Kennsla hefst á ný þriðjudaginn 23. apríl.
Vikuna 25. - 29. mars er prófavika í tónlistarskólanum. Þá þreyta nemendur vorpróf. ATH. að engin hefðbundin hljóðfærakennsla né samspilsæfingar fara fram þá viku.
Vel var mætt á frábæran masterklass og fyrirlestur Benedikts Brynleifssonar trommuleikara. Benedikt lék og spjallaði við gesti um feril sinn og vinnu sem trommuleikara.
Trommuleikarinn landsfrægi Benedikt Brynleifsson verður með masterclass/sýnikennslu í boði tónlistarskólanna í Suðurnesjabæ, fimmtudaginn 21. mars kl.17:30. Aðgangur er ókeypis á meðan húsrúm leyfir. Viðburðurinn fer fram í Sæborg, sal tónlistarskólans í Garði, Garðbraut 69a. Benedikt er eftirsóttur trommuleikari á Íslandi og hefur m.a. leikið með Mannakornum, Todmobile, Páli Óskari, Friðrik Ómari, KK, 200.000 Naglbítum og [...]
Nemendatónleikar/Kaffihúsakvöld verður haldið á bókasafni Sandgerðis fimmtudaginn 14.mars kl.17:30. Nemendur og samspilssveitir skólans munu leika á bókasafninu fyrir gesti og gangandi. Rjúkandi heitt kaffi verður á könnunni sem og meðlæti. Allir hjartanlega velkomnir!
Á öskudag, miðvikudaginn 6.mars er starfsdagur kennara og því engin kennsla í tónlistarskólanum. Ljósmynd fengin að láni frá Iceland Magasine/ljósmynd: Valli
Við erum glöð og stolt að segja frá því að tveir nemendur Tónlistarskóla Sandgerðis, þeir Júlíus Viggó Ólafsson og Haukur Arnórsson sigruðu undankeppni Hljóðnemans sem fram fór í Fjölbrautarskóla Suðurnesja fimmtudaginn 7. febrúar. Innilega til hamingju drengir! (Ljósmyndir fengar að láni af facebook síðu Nemendafélags Fjölbrautarskóla Suðurnesja)
Örtónfundur/nemendatónleikar verða á mánudaginn 21.janúar kl.17:00 í stofu 4 í tónlistarskólanum. Stuttir tónleikar, ca. 20 mín Allir hjartanlega velkomnir!
