Opið er fyrir skráningu fyrir næsta skólaár 2017 - 2018. Einfaldast er að sækja um skólavist á rafrænan hátt með því að smella hér eða koma við á skrifstofu skólans og fylla út umsókn. Þeir sem eiga eftir að staðfesta áframhaldandi nám þurfa að gera það sem allra fyrst til að tryggja pláss sitt næsta vetur. Athugið að [...]
Vortónleikar tónlistarskólans verða haldnir í safnaðarheimili Sandgerðis laugardaginn 20. maí kl.10:30. Í lok tónleika verða vitnisburðir og einkunnir afhentar og skóla slitið. Tónleikarnir taka rétt um 1.klst. og verður mikið um fjölbreytt samspilsatriði. Allir bæjarbúar eru hjartanlega velkomnir og vonumst við til að sjá sem flesta.
Samspilsvika verður í næstu viku, 1. - 5. maí. Undirbúningur er nú á fullu fyrir vortónleika skólans sem verða 20. maí. Kennsla kemur eitthvað til með að raskast þá viku vegna æfinga og munu kennarar skólans láta nemendur sína vita um það nánar.
Kennsla hefst föstudaginn 21. apríl samkvæmt stundaskrá að páskafríi loknu. GLEÐILEGT SUMAR!
Síðasti kennsludagur fyrir páskafrí er föstudagurinn 7. apríl. Kennsla hefst að páskafríi loknu föstudaginn 21. apríl. GLEÐILEGA PÁSKA!
Vikuna 27. - 31. mars er prófavika í Tónlistarskóla Sandgerðis. Þessa viku fer engin hefðbundin kennsla fram, einungis próf. Nemendur/aðstandendur fá fljótlega að vita próftíma sinn. Við minnum á að nú er gott að vera dugleg/ur að æfa sig.
Miðvikudaginn 1.mars, öskudag er starfsdagur kennara. Engin kennsla fer fram þann dag. Kennarar sækja námskeið í prófdæmingu sem haldið er í Tónlistarskóla Reykjanesbæjar.
Dagur Tónlistarskólanna verður haldinn hátíðlegur laugardaginn 18. febrúar. Þá verða haldnir gangatónleikar í tónlistarskólanum frá kl.11:00 – kl. 12.00. Nemendur leika út um allan skóla og er gestum boðið að koma og hlusta og þiggja léttar veitingar. Allir eru hjartanlega velkomnir!
Tónlistarskólinn og bókasafnið standa fyrir kaffihúsakvöldi á bókasafninu mánudagskvöldið 30. janúar kl.19:30. Nemendur tónlistarskólans leika og boðið verður upp á léttar veitingar. Aðgangur er ókeypis og eru allir hjartanlega velkomnir.
Vikuna 16. til 20. janúar er foreldravika í tónlistarskólanum. Kennarar skólans munu boða foreldra í viðtöl ásamt nemendum.
